LGBT ávirkar eisini TÍTT hjúnaband

Devaluation

Føroyar eru eitt ríkt land, eitt hitt ríkasta í heiminum, og hvat ríkidømi er størri enn fólkið sjálvt, at tað mennist og veksur í tali? Hjúnabandi er tann mest grundleggjandi og týdningarmikla eindin í okkara samfelagið. Tað er her framtíðin liggur, tað er her børn blíva til, blíva vard og mennast fyri síðani at føra ættina víðari. Ikki øll hjúnabond fáa børn, men tey eru tó enn eitt slag, sum er ført fyri at fáa avkom, sjálvt um ikki allir limir av tí slagnum kunnu bera seg at við teimum eyðkendu úrslitunum.

Landið hevur áhuga í at virka fyri yvirliving av sær sjálvum, virka fyri nøring av børnum, og at virka fyri einari góðari fyrimynd av familjulívinum. Føroya land viðurkennir tað at ala børn upp sum eina torføra uppgávu og tí at tað vil eggja monnum og kvinnum at skapa góðar og sterkar familjueindir.

LGBT stuðlar halda ikki, at tað ferð at undirmeta mann-kvinnu hjúnabandið. Tey halda, at eitt hjúnaband ímillum tvey av sama kyni verður innkluderandi fyri tey. Men tað sum veruliga fer fram er, at hjúnabandið verður enn meira niðurskriva, tí hjúnabandið verður bara meira um alt, og tá ið hjúnabandið verður meira um alt, so verður tað veruliga til onki. So jú tey blanda seg uppí títt hjúnaband við tað at títt hjúnaband verður niður skriva í virði.

Innan fíggjarheimin er eitt hugtak, sum eitur Greshams lov ið sigur:

“bad money drives out good money”.

Hetta eru hør orð, men passar tað ikki tá ið eg sigi, at eftirgjørdir pengar virðislækka teir veruligu pengarnar?

Hjúnabandið sum vit kenna tað er longu nógv minka í virði, hetta hava vit sjálvi skyldina av. Tað er ov lætt at vera ótrúgvur ímóti makað og børnum. Kanska man skuldi fingið peningaliga revsing tá ið man breyt hjúnabands sáttmálan? Sum hjúnabands støðan er í dag er tað ikki løgi, at LGBT lætt fær selt okkum lygnina um at onki verður broytt viðvíkjandi hjúnabandinum. Tað er sera trist at man er fallin so djúpt, at tey eru farin eftir tí lægsta felagsnevnaranum, og soleiðis brúkar ástarhugin ímillum tvey, sum argumentatión fyri, at man líkur krøvini til at skrásetta/gifta seg. Tað er ferð eftir ferð prógva at ongin er føddur samkyndur, eitt nú vísa vísa 8 stórar kanningar av eineggjaðum tvíburðum at samkyndleiki ikki er viðføddur. Um tað var, so vildu eineggjaðir tvíburðar, sum deila somu genir og hava verið í sama búki, báðir verið samkyndir. Men tað vísir seg, at tá annar er samkyndur, so eru sannlíkindini fyri at hin eisini er tað 10% fyri menn og 14% fyri kvinnur. Ergo er niðurstøðan, at tað eru faktorar eftir føðing, sum ávirka kynsliga orientering.

Tað eru nógv ymisk sløg av virðismiklum sosialum sambondum (t.d. vinarløg), hesi eru tó als ikki viðkomandi uppá sama máta fyri Føroyar eins og hjúnabond eru tað.


Allir flokkar siga seg ynskja at betra um vælferðina, men hon skal eisini fíggjast. Okkara størsta virði er familju eindin. Besta verjan um børnini og framtíð Føroya er tí eitt Gott, Sterkt og Trygt Hjúnaband.

Rætturin til hjúnabandi eigur ikki at vera givin burtur, sum var hann onki verdur. Tað er ein orsøk til, at tað er ein hámarksferð á landsvegnum. Ikki ein og hvør hevur loyvi til at koyra skjótari enn 80 km/t í Føroyum. Latið okkum halda lóg og landaskil, eisini innan familju eindina.

Til síðst vil eg viðmerkja, at tað eri ikki bert eg sum havi brúkt Gresham lóg uppá henda mátan, eitt nú vísti Charlie Munger sum er buisness partnari hjá Warren Buffett á tað sama.

Eg havi fyrr skriva um hetta evni sæð út frá Bíbliuni, hetta kanst tú lesa um aðra staðir her á síðuni

6 stutt video brot um vandaliga hugsan

Kosmologiska argumentið (Kalām): Allar tilverur hava eina orsøk. Alheimurin hevur eina tilveru. Tí hevur alheimurin eina orsøk.

Øll duga vit at hugsa, men ikki øll duga líka væl at hugsa

Hetta kann vera sera ørkymlandi.

Tí betur er hetta nakað vit kunnu læra, men sum við so nógvum øðrum so krevur tað venjing, Her eru 6 stutt video brot um vandaliga hugsan (critical thinking)

 

 

Reis Jesus upp frá deyðum?

Jesus_reis_upp

Tey kristnu hátíðarhalda aftur í dag, at Jesus úr Nasaret reis upp frá deyðum fyri skjótt 2000 árum síðani. Fleiri og fleiri føroyingar munnu allíkavæl seta spurnartekin við, um hendan so nógv umtalaða uppreisnin hevur nakað við veruleikan at gera – ella kanska teir beinleiðis avvísa, at tað ber til at rísa upp frá deyðum. Og tað er ikki so løgið, tí at tað er neyvan nakar av okkum, sum hevur sæð eitt deytt menniskja komið livandi aftur úr kirkjugarðinum nakrar dagar eftir jarðarferðina.

Framstandandi fólk úti í heimi seta eisini stór spurnartekin við uppreisnina hjá Jesusi. Bretski heimspekingurin, Bertrand Russell, skrivaði fyri nógvum árum síðani, at tað var ivasamt, um Jesus úr Nasaret nakrantíð hevði livað; og um hann hevði livað, so vita vit onki um hann, tí at vit hava ongar álítandi keldur. Og sambært Richard Dawkins eru evangeliini ikki álítandi, tí at tey eru rein fiktión, uppspuni.

Hetta eru sjálvandi sera álvarsligar ákærur móti grundarlagnum hjá kristindóminum. Og kristna trúgvin stendur ella fellur við uppreisnini. Fær man mótprógvað uppreisnina, so hevur man avlívað kristnu trúnna. Er tað veruliga so galið, at hesir ateistarnir hava rætt í, at kristindómurin er ein villleiðing, ið byggir á uppspuna? So reis Jesus ikki upp frá deyðum, og so kunnu vit gott byrja at reinsa Føroyar fyri alla kristiliga ávirkan.

Tað finnast tíbetur vísindafólk úti í heimi, sum ikki eru samd við omanfyristandandi. Í grundini hava tey nógvar góðar grundgevingar, sum gera Jesu uppreisn meiri sannlíka enn ósannlíka. Eg ynski í stuttum at nevna nakrar av grundgevingunum.

Eru handritini álítandi?

Summir kritikkarar vísa á, at handritini í Nýggja Testamenti ikki eru álítandi. Tað er rætt, at ongi upprunahandrit eru at finna í dag; men hinvegin meta nógvir granskarar, at tey tøku handritini eru so mikið álítandi, at tey umboða upprunahandritini nóg væl. Ja, Nýggja Testamenti er tað skjalið úr fornheiminum, ið hevur nógv mest stuðul frá atkomuligum handritum. Hvørki aldurin á handritunum ella vandin fyri feilum í kopieringini ger nakað serligt við trúvirðið hjá Nýggja Testamenti. Bruce Metzger, granskari í Nýggja Testamenti, sigur soleiðis:

“Vit kunnu hava stórt álit á hesum skriftunum, soleiðis sum tær eru komnar til okkara heilt frá fornheiminum, serliga um vit samanbera við aðrar fornar tekstir.”

Eru evangeliini uppspuni?

Tað mesta um Jesu uppreisn stendur í evangeliunum, sum sambært kritikkarum eru uppspuni, men summir granskarar mótmæla hesi niðurstøðu. Bestu dømini um søguliga trúvirðið hjá evangelistunum eru skriftirnar hjá Lukasi: evangeliið og Ápostlasøgan. Serliga Ápostlasøgan inniheldur upplýsingar, sum samsvara væl við aðrar keldur frá samtíðini. Ein granskari í rómverskari søgu, A. N. Sherwin-White, sigur soleiðis:

“Fyri Ápostlasøguna eru staðfestingarnar av søguliga trúvirðinum ómetaliga umfatandi…ein og hvør roynd at vraka hennara søguliga trúvirði, sjálvt í smálutunum, má nú metast at vera skilaleys.”

Jesu uppreisn?

Her koma vit so til Jesu uppreisn: er hon ein søguligur veruleiki? Granskarar hava arbeitt ómetaliga nógv við hesum evninum, og heimspekingurin, Gary Habermas, hevur ein keldulista við yvir 3000 vísindaligum greinum og bókum um evnið bara frá teimum seinastu 35 árunum.

Próvtilfarið fyri Jesu uppreisn umfatar m.a. hesi evni:

  • Jesu deyði
  • Tann tóma grøvin
  • Eygnavitnini

Doyði Jesus?

Summi vilja pástanda, at Jesus als ikki doyði – og so var sjálvandi ongin uppreisn frá deyðum. Men prógvini fyri, at Jesus veruliga doyði, eru so sterk, at ein av teimum víðgongdu skeptikarunum, John Dominic Crossan, viðgongur:

“At Jesus bleiv krossfestur er so vist sum nakað søguligt yvirhøvur kann vera.”

Og ateistiski granskarin, Gerd Lüdemann, skrivaði:

“Jesu deyði sum ein avleiðing av krossfestingini kann ikki noktast.”

Var grøvin tóm?

Kritikkarar vilja eisini pástanda, at umstøðurnar kring ta tómu grøvina páskamorgun vóru illgrunasamar. Summir siga, at frásagnirnar í evangeliunum eru ósannar, tí at grøvin var ikki tóm – og so var heldur ongin uppreisn. Men kendi søgufrøðingurin, Michael Grant, skrivar:

“Tað er rætt, at frásagnirnar í evangeliunum um ta tómu grøvina eru ymiskar, men um vit nýta tey somu metingarstøðini, sum verða nýtt til aðrar forntekstir, so er próvtilfarið so mikið haldgott og trúvert, at einasta niðurstøðan er, at grøvin var tóm páskamorgun, tá lærusveinarnir (kvinnur og menn) komu til grøvina.”

Sóu lærusveinarnir tann upprisna Jesus?

Nógv týdningarmiklari enn hetta er, at lærusveinarnir í eitt tíðarskeið eftir hetta fingu loyvi til at møta tí upprisna Jesusi úr Nasaret, Kristusi. Teir høvdu sæð hann, tosað við hann, nortið við hann og enntá etið saman við honum. Hetta gav teimum frímóð og dirvi til at fara út í heimin at boða kristna boðskapin fyri øllum. Aftur og aftur síggja vit teir nevna Jesu uppreisn í talunum í Ápostlasøguni. Próvtilfarið fyri hesum er so sterkt, at sjálvt ateistiski granskarin, Gerd Lüdemann, skrivar:

“Tað kann tykjast at vera søguliga vist, at Pætur og lærusveinarnir høvdu upplivingar eftir Jesu deyða, har Jesus vísti seg fyri teimum sum tann upprisni Kristus.”

Sum ateistur kann Lüdemann sjálvandi ikki góðtaka uppreisnina, so tí mátti hann siga, at hetta bert vóru sjónir. Men lesur man talurnar í Ápostlasøguni, so er hetta sera ósannlíkt.

Nógv sannlíkari er tað, at lærusveinarnir veruliga funnu eina tóma grøv og ein upprisnan Jesus. Teir vistu, at Jesu likam, sum varð lagt í grøvina, var deytt, og tað var hetta sama likam, sum var vorðið livandi aftur páskamorgun, hóast tað var í nýggjum líki, eitt uppreisnarlikam. Jesus hevði nú vunnið á deyðanum og kundi bjóða øllum menniskjum eitt nýtt lív. Tí kundi hann siga:

“Eg eri uppreisnin og lívið; tann, sum trýr á meg, skal liva, um hann so doyr.” (Jóh. 11,25)

Hetta er nakað, sum vísindi í síni heild ikki kunnu rúma. Tí geva vit professaranum, Sir Norman Anderson, tey síðstu orðini um prógvini fyri uppreisnini:

“Tann tóma grøvin skapar ein sannan klett, sum allar skynsamar teoriir um uppreisnina royna at vika, men til fánýtis.”

Jesus livir – og vit skulu liva! Gleðiligar páskir!

Grundleggjandi fakta:

  1. Jesus bleiv krossfestur.
  2. Jesu lærusveinar vóru fullkomuliga sannførdir um at Jesus reis upp og vísti seg fyri teimum.
  3. Paulus (aka Saul frá Tarsus), sum forfylgdi tey fyrstu kristnu, hann skifti ham og bleiv sjálvur ein kristin.
  4. Jákup (bróður Jesus), hann var fyrst skeptiskur viðvíkjandi tað kristnu trúnna, men broytti eisini sína áskoðan og bleiv ein trúgvandi.
  5. Grøvin hjá Jesusi var funnin tóm 3 dagar aftaná krossfestingina. (Habermas & Licona 2004, 48-76)
 
Jesus reis upp, men hini liggja enn og bíðja eftir dómadegiUpprunaliga hevur Ragnhard Petersen skriva hesa greinina, eg havi fingið loyvi at endurgeva hana her. Eg havi einans lagt tey 5 grundleggjandi faktaðini afturat til seinnast.

 

Tryst her um tú vilt vita meira um ⇒ Trúðvirðið Bíbliuna ⇐

 

Six reasons why you should believe in non-physical souls

6 orsøkir til at trúgva uppá eina ikki fysiska sál

WINTERY KNIGHT

(Podcast uploaded, with permission, by ReligioPolitical Talk)

This podcast is a must-listen. Please take the time to download this podcast and listen to it. I guarantee that you will love this podcast. I even recommended it to my Dad and I almost never do that.

Details:

In this podcast, J. Warner examines the evidence for the existence of the mind (and inferentially, the soul) as he looks at six classic philosophical arguments. Jim also briefly discusses Thomas Nagel’s book, Mind and Cosmos and discusses the limitations of physicalism.

The MP3 file is here. (67 MB, 72 minutes)

Topics:

  • Atheist Thomas Nagel’s latest book “Mind and Cosmos” makes the case that materialism cannot account for the evidence of mental phenomena
  • Nagel writes in this recent New York Times article that materialism cannot account for the reality of consciousness, meaning, intention and purpose
  • Quote from the Nagel article:

Even…

View original post 723 more words

Trúgvandi guðloysingar

Eg havi fyrr víst á, at tann kristna trúgvin, er ein trúgv samsvarandi prógvum. Men guðloysingar flenna ofta eftir okkum kristnu, og siga at vit kristnu enn liva í steinøldini, men at teir eru komnir víðari við vísind.

“Trúgv er hóast, ella kanska vegna, manglandi prógv.” -Richard Dawkins

Men lat okkum nú kanna hatta gjøllari, trúgva guðloysingar veruliga ikki uppá tað yvirnatúrliga? Her eru 4 stig, sum hvørt byggir á tað undanfarna stigi, og tey krevja øll trúgv:

1) Alt tilfar kom úr ongum.

Løgi sum tað ljóðar, men teir sum bert kalla tað kristnu trúnna fyri pátrúgv, teir trúgva sjálvir at ALT tilfar, sum vit síggja rundan um okkum kom úr ongum. At siga so, er sjálvandi ikki vísindaligt, og ongin hevur nakrantíð so mikið sum roynt at bygt eini sethús úr ongum tilfari.  Hetta skrivaði eg um í tí kosmologiska argumentinum.

2) Lív kom frá deyða.

Her er næsti trupulleikin fyri teir, sum siga seg ikki trúgva á Guð. Hetta er sjálvandi eisini vísindaliga ómøguligt, og er tí heldur ikki prógva vísindaliga.

3) Skipan kom í ruðuleikan.

Lógin um varmaelvi sigur greitt, at ALT gongur ímóti størri hurlivasi. Og um tað ikki blívur hildið við líka so kemur ólag í. Hetta síggja vit í tí dagliga, húsini, bilurin osfr, alt má haldast við líka, hetta geldur bæði fyri livandi og deyð ting. Ongin sleppur undan, heldur ikki guðloysingurin.

4) Tilfar bleiv ólikamligt.

Nú eru vit komin til tað seinasta stigið. Hvat er tað at vera tú og eg (tvey menniskju), uttan at hava tað andaliga og rationella stigið við? Hetta er eisini tað mest torføra fyri guðloysingin at svara uppá, tí hvussu kann hetta, sum var onki, men sum bleiv nakað, sum var deytt, men bleiv livandi, bleiv ein organisma, hvussu kann hetta fáa nakað so ólikamligt og undurfult sum tilvitan og skynsemi?

Hetta er tað mest grundleggjandi við at vera eitt menniskja, tí uttan tað vóru vit bert robottar. Men Guð er ein persónligur Guð, hann skapti okkum í sínari mynd:

“Latið Okkum gera menniskju í bílæti Okkara, til at vera Okkum lík! Hon skal ráða yvir fiskunum í sjónum og fuglunum undir himli, yvir fænum og yvir allari jørðini og øllum skriðdýrum, ið á jørðini skríða.” – Guð (1 Mós 1:26)

Guð skapti okkum við serligum eginleikum, sum ger okkum til meira enn djór og maskinur:

guðloysi er pátrúgv!

guðloysi og pátrúgv eru synonym

  1. Morali
  2. Fríum vilja
  3. Ynskjum
  4. Dreymum

Sum kristin havi eg ongan ampa av at góðtaka at trúgv er ein partur av dagligdegnum, og tí er tað bara skynsamt, at trúgv og vísind hóska saman eisini.

Sannleikin og Jack Sparrow

Jesus segði um seg sjálvan:

“Eg eri vegurin, sannleikin og lívið….” – Jesus (John 14:6)

Hetta eru ikki smá orð Jesus sigur um seg sjálvan. Vit trúgva øll at sannleikin er, tí um vit ikki trúgva uppá at nakað er satt, so er onki at tosa um. Eg eri heilt vísur í at grunda á tað at eg endurgav Orð Jesusar, so er tað heilt sikkurt longu onkur meining í tínum høvdi:

At avnokta at sannleiki er, er sum at siga at ongin luft er, vit nýta luftina til at avnokta hana tá ið vit formulera orðini. Somuleiðis er tað við okkara hugsanum – hugsa um tað!

Skynsemi

creative-brain

Heilin er samansettur á skynsaman hátt

Vit brúka dag og dagliga okkara heila at hugsa við, og vónandi er ein ávís skipan í okkara logikki. Hvussu kunnu vit grundgeva fyri, at okkara tilvera er av tilvild, tí avleiðingin um vit veruliga vilja halda fast við, at alt er av tilvild, er at so liva vit í chaos og ikki í cosmos! Sjálvt fólk sum ikki beinleiðis rópa seg trúgvandi játta hetta:

“Tað mest óskiljandi við alheiminum er, at alt er skiljandi.” – Albert Einstein

Men hví er tað so, hví kunnu vit yvir høvur skilja nakað? Hvussu kunnu vit líta á okkara egna vit og skil – sum sambært guðloysi bert er av tilvild, og tí ein tilvildarlig samanseting.

Eg spurdi einaferð ein guðloysing, um hansara heili er samansettur á skynsaman hátt, hansara aftursvar var ikki serliga skynsamt, men tað lata vit fara. Hvussu við tær, er tín heili samansettur á skynsaman hátt, ella eru allar tínar niðurstøður tilvildarligar? Les meira…

Kedes

Eg var í Kedes í Januar, men eg eri ikki komin til at skriva eitt innlegg um evni, men eg fari nokk at byrja uppá tað í hesari vikuni..

 

Kedes verður sent hvørt týskvøld kl 21:00 á www.kedes.fo

Tá ið Kedes er “ON”, so er møguleiki at kjatta, senda boð til boðklivan ella sms’a.

Eisini ber til at maila spurningar, viðmerkingar ella bønarevnir á: kedes@kedes.fo

Við øðrum orðum: TÚ ert við til at mynda møtið🙂

Eisini kanst tú finna Kedes á Facebook http://www.facebook.com/kedesfo

Follow

Get every new post delivered to your Inbox.

Join 394 other followers

%d bloggers like this: